Rizal – Arestado ng Rizal PNP ang isang nanay matapos nitong ibugaw ang sariling anak nito lamang Miyerkules, Agosto 9, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang suspek na si alyas “Gina”, 51, residente ng Taytay, Rizal.
Ayon kay PCol Baccay, bandang 9:00 ng gabi naaresto ang suspek sa TNPMFTODA, Brgy. San Juan, Taytay, Rizal sa pinagsanib na puwersa ng Provincial Intelligence Unit (Lead Unit), Morong Municipal Police Station, Taytay Municipal Police Station, Regional Intelligence Team Rizal at Regional Intelligence Division PRO4A sa bisa ng Warrant of Arrest sa kasong Qualified Trafficking (3 Counts) na walang nirekomendang piyansa.
Ang Rizal PNP ay patuloy na paigtingin ang kampanya laban sa kriminalidad at anumang maling gawain para makamtam ang maayos at ligtas na pamayanan.
Source: Rizal Police Provincial Office
Panulat ni Police Staff Sergeant Donabel Dulin
