Iloilo City – Nasabat ang tinatayang mahigit sa Php1 milyong halaga ng shabu sa isinagawang drug buy-bust operation sa isang High Value Individual sa Brgy. Bakhaw, Manduriao, Iloilo City noong Agosto 9, 2023.
Bandang alas-8:35 ng gabi nang ikasa ang operasyon ng pinagsanib na pwersa ng Iloilo City Drug Enforcement Unit at Iloilo City Police Station 5.
Kinilala ni Police Captain Val Cambel, Station Commander ng Iloilo City Police Station 5, ang subject person na si Geovany Gozon y Postalero aka “Goyong”, 32, residente ng Brgy. Bakhaw, Manduriao sa nasabing siyudad.
Ayon kay PCpt Cambel, si Gozon ay itinuturing na Top 2 target Illegal Drug Personality sa kanilang drugs watchlist.
Ayon pa kay PCpt Cambel, nakuha kay Gozon ang 150 na gramo ng pinaghihinalaang shabu na may tinatayang halaga na aabot sa Php1,020,000.
Narekober din sa kanya ang Php12,000 na ginamit bilang buy-bust money, mga drug paraphernalia at non-drug items.
Patuloy ang buong ng hanay PRO6 sa pagsugpo ng ilegal na droga upang wakasan ang masamang dulot nito sa lipunan.
