Rizal – Tinatayang Php553,520 na halaga ng shabu ang nasabat sa dalawang High Value Individual (HVI) sa ikinasang buy-bust operation ng Binangonan PNP nito lamang Miyerkules, Agosto 9, 2023.
Kinilala ni Police Colonel Dominic Baccay, Provincial Director ng Rizal Police Provincial Office, ang mga suspek na sina alyas “Virgo”, 42 at alyas “Johnny”, 63; HVI/Pusher at pawang nakatira sa Binangonan, Rizal.
Ayon kay PCol Baccay, inulat ni Police Major Rhonnie Ariola, Hepe ng Binangonan Police Station, na naaresto ang dalawang suspek dakong 12:30 ng madaling araw sa kahabaan ng Saperia St. Brgy. Calumpang Binangonan, Rizal ng mga miyembro ng Binangonan Municipal Drug Enforcement Team na may koordinasyon sa PDEA 4A.
Narekober sa mga suspek ang dalawang piraso ng heat-sealed transparent plastic sachets na naglalaman ng white crystalline substance ng hinihinalang shabu at isang plastik na nakataling HSTPS na may timbang na humigit kumulang 81.4 gramo na tinatayang nagkakahalaga ng Php553,520, isang pirasong ng HSTPS na buy-bust item, 10 piraso ng Php100 bill, isang piraso na color gray na coin purse at isang pirasong Php1,000 bill na giamit bilang buy-bust money.
Nahaharap ang dalawang suspek sa kasong paglabag sa Section 5 at 11 Article 2 ng Republic Act 9165 o Comprehensive Dangerous Drugs Act of 2002.
Patuloy na paigtingin ng PNP sa tulong ng PDEA at mga mamamayan ang kampanya kontra ilegal na droga para mapanagot ang mga nagtutulak at gumagamit nito at mapanatili ang ligtas, maayos at mapayapang komunidad.
Source: Rizal Police Provincial Office
Panulat ni Police Staff Sergeant Donabel Dulin
