Bukidnon – Tiklo sa ikinasang buy-bust operation ng Valencia City PNP ang isang lalaki na kasama sa Watch Listed sa Purok 10A, Brgy. Poblacion, Valencia City, Bukidnon nito lamang Agosto 8, 2023.
Kinilala ni Police Lieutenant Colonel Mitchel Clemencio, Officer-In-Charge ng Valencia City Police Station, ang suspek na si alyas “Elvis”, 29, residente ng Purok 6, Brgy. Poblacion, Valencia City, Bukidnon na kasama sa Watch Listed.
Dakong 6:58 ng gabi nang ikasa ang buy-bust operation ng mga operatiba ng Valencia City Police Station–Drug Enforcement Unit na nagresulta sa pagkakaaresto kay alyas “Elvis”.
Nakuha sa naturang operasyon ang 11 na pakete na hinihinalang shabu na may bigat na 1.5 na gramo na may Street Value na Php10,200, isang Oppo Cellphone, isang lighter at isang pirasong Php500 bill na ginamit bilang buy-bust money.
Nahaharap ang suspek sa kasong paglabag sa Sec 5, Art 11 ng RA 9165 o Comprehensive Dangerous Drugs Act of 2002.
Ang Valencia City PNP ay patuloy sa mandato sa paglaban sa ilegal na droga at anumang uri ng kriminalidad upang mapanatili ang maayos at payapa ang kanilang nasasakupang komunidad.
Panulat ni Patrolman Joshua Fajardo/RPCADU10
