Laguna – Nagsagawa ng Community Outreach Program ang Regional Police Community Affairs and Development Unit (RPCADU) 4A sa Bahay ni Maria “Home for the Abandoned Elderly with Special Needs” sa Brgy. Sampiruhan, Calamba City, Laguna nito lamang Martes, Agosto 8, 2023.
Ang aktibidad ay pinangunahan ni Police Colonel Meldrid Patam, Chief, RPCADU 4A, katuwang si Sister Mac Angcog, Administrator ng Bahay ni Maria, mga representante ng Philippine National Police Academy, Regional Mobile Force Battalion 4A-Curao, Regional Medical and Dental Unit 4A at Regional Finance Service Office 4A.
Namigay ang mga kapulisan ng mga pagkain tulad ng spaghetti, burger, buko pie, canned juice, bottled water at grocery items tulad ng bigas, noodles, de lata, gatas at biscuits.
Nagkaroon din ng medical mission kung saan kinuhanan ang mga matatanda ng blood pressure at blood test at namigay ng mga libreng gamot at vitamins.
Bukod dito, nagkaroon din ng pagsayaw ng mga grupo at pagkanta ng mga matatanda upang magbigay ng aliw at saya sa aktibidad.
Ang nasabing programa ay may kaugnayan sa pagdiriwang ng ika-122nd Police Service Anniversary na may temang “Nagkakaisang Pulisya at Pamayanan tungo sa Mapayapa at Maunlad na Bansa’’.
Layunin nitong magbigay ng pangunahing pangangailangan at ipadama ang pagmamahal at malasakit ng gobyerno sa pamamagitan ng Pambansang Pulisya ng Pilipinas.
Panulat ni Police Staff Sergeant Donabel T Dulin
