Benguet – Natagpuan ang isang naiulat na nawawalang lalaki matapos ang masigasig na paghahanap ng mga awtoridad sa Camp 4, Tuba, Benguet nito lamang ika-7 ng Agosto 2023.
Ayon kay Police Lieutenant Colonel Ruel Tagel, Acting Force Commander, Regional Mobile Force Battalion 15, nakatanggap ang kanilang himpilan ng radio message hinggil sa nawawalang lalaki kung saan agad silang nagsagawa ng mobile patrol.
Dahil sa tulong ng mga residente at sa paglalarawan na ibinigay sa kanila, natagpuan ng mga tauhan ng RMFB 15 sa pangunguna ni Police Staff Sergeant Arnel Buliyat ang nawawalang lalaki na kinilala na si Victor Vic Advento, 69, may asawa, at residente ng Laguna.
Agad naman itong dinala si Ginoong Advento sa Baguio City Police Office-Station 8 kung saan binigyan ng mga damit bago dinala sa Baguio General Hospital para sa medikal na atensyon.
Samantala, napagbigay-alam sa pamilya ni Advento at papunta na sa Baguio City mula sa Laguna.
Patunay na walang imposible sa serbisong nagkakaisa ng PNP katuwang ang komunidad sa pagkamit ng kaunlaran sa ating bayan.
