Caloocan City — Arestado ang isang lalaking suspek matapos mahulihan ng ilegal na armas ng Intelligence Section ng Caloocan City Police Station (IS-CCPS) nito lamang Lunes, Agosto 7, 2023.
Kinilala ni Police Colonel Ruben Lacuesta, Chief of Police ng Caloocan CPS, ang suspek na si alyas “Kang-Kang”, 40, walang trabaho at naninirahan sa No. 46 Phase 1, Package 3, Lot 56, Barangay 176, Bagong Silang, Caloocan City.
Ayon kay PCol Lacuesta, nangyari ang planadong operasyon ng Intelligence Section kasama ang Northern NCR Maritime Police Station at 4th MFC-RMFB NCRPO matapos magsumbong ang isang Confidential Informant na ang suspek ay sangkot sa ilegal na pagbebenta ng mga hindi lisensyadong baril sa lugar kaya agarang nagsagawa ng operasyon ang mga nasabing operatiba na humantong sa pagkakaaresto sa suspek bandang alas-2:00 ng madaling araw sa kahabaan ng Phase 1, Package 3, Lot 56, Barangay 176, Bagong Silang, Caloocan City.
Nakumpiska kay alyas “Kang-Kang” ang isang (1) Caliber .38 revolver na baril na walang serial number, tatlong (3) piraso ng live ammunition na inilaan para sa kalibre .38 na baril, isang Php500, at tatlong (3) Php1,000 boodle money.
Mahaharap ang suspek sa kasong paglabag sa RA 10591 o Comprehensive Firearms and Ammunition Regulation Act.
Hinikayat ng pulisya na isuko na sa mga awtoridad ang mga baril na walang kaukulang papeles upang hindi na makapangbiktima pa ng mga inosenteng indibidwal.
Source: NPD PIO
Panulat ni PSSg Remelin M Gargantos
