La Union – Sumuko sa gobyerno ang dalawang dating miyembro ng Communist Terrorist Group (CTG) sa Naguilian, La Union nito lamang ika-4 ng Agosto 2023.
Kinilala ang sumuko na sina alyas “Elma”, 41; alyas “Weng”, 39; na pawang mga residente ng Sitio Tawi-tawi, Brgy. Gusing Sur, Naguilian, La Union, at dating mga miyembro ng ANAKPAWIS/PAMANA (Panagkaykaysa Dagiti Mannalon ti Naguilian).
Ayon kay Police Lieutenant Colonel Rodel Silaran, Force Commander ng 1st La Union Provincial Mobile Force Company dakong alas 12:00 ng hapon ng Agosto 4, 2023 ng boluntaryong sumuko sina alyas “Elma” at alyas “Weng”, sa pinagsanib na tauhan ng Naguilian Municipal Police Station, 2nd La Union Provincial Mobile Force Company, Provincial Intelligence Team, La Union Provincial Intelligence Unit at Technical Support Company ng Regional Mobile Force Battalion 1.
Sumasailalim naman sila sa debriefing process kung saan itatalaga sila bilang miyembro ng Barangay Information Network (BIN) upang maglingkod at maging katuwang sa pagpapanatili ng kapayapaan sa kanilang lugar.
Ang pagsuko sa gobyerno ng mga dating rebelde ay nagpapakita lamang ng magandang resulta ng pursigidong pagkumbinsi ng pamahalaan at kapulisan sa rehiyon sa mga teroristang grupo at patunay na nagpapakita ng epektibong pagsulong sa kampanya laban sa terorismo ng National Task Force to End Local Communist Armed Conflict o NTF-ELCAC.
Source: Naguilian Municipal Police Station/1st La Union Provincial Mobile Force Company
Panulat ni PSSG Carmela G Danguecan
