Camarines Sur – Naghandog ng Kabuhayan Starter Kits ang mga tauhan ng RCSP-CUAO ng Camarines Sur 1st Provincial Mobile Force Company at mga Lokal na ahensya ng gobyerno sa bayan ng Pasacao, Camarines Sur nito lamang Agosto 3, 2023.
Ang naturang aktibidad ay pinangunahan ng pamunuan ng Department of Labor and Employment (DOLE) sa ilalim ng kanilang Integrated Livelihood Program sa pangunguna ni Mrs. Ma. Ella A Verano, Provincial Head, katuwang ang RCSP-CUAO ng Camarines Sur 1st Provincial Mobile Force Company sa pamumuno ni Police Captain Ric R Reginales, Team Leader RCSP-CUAO, Pasacao Municipal Police Station, PESO-Pasacao, at sa pakikipag-ugnayan sa Local Government Unit ng Pasacao, Camarines Sur.
Kaugnay nito, naghandog ng Kabuhayan Starter Kit sa 60 na benepisyaryo mula sa iba’t ibang barangay ng bayan ng Pasacao.
Bakas naman sa mga ngiti ng mga benepisyaryo ang kanilang saya at pasasalamat sa inihandog ng Lokal na Ahensya ng Gobyerno at mga kapulisan na isang malaking tulong sa pag-angat ng kanilang estado sa buhay.
Samantala, patuloy ang pakikipag-ugnayan ang kapulisan sa mga lokal na ahensya ng ating pamahalaan upang maghandog ng mga programa na ikakaginhawa ng buhay ng bawat mamamayan.
Source: Camarines Sur 1st Provincial Moble Force Company
