Maguindanao del Sur – Boluntaryong isinuko ng isang concerned citizen ang kanyang loose firearm sa Brgy. Itaw, South Upi, Maguindanao del Sur noong Agosto 4, 2023.
Ayon kay PMaj Dareen Tolosa, Chief of Police, South Upi Municipal Police Station, ang isinukong baril ay isang yunit ng homemade Shotgun na walang bala at walang serial number.
Ang matagumpay na pagsuko ng baril ay kaugnay sa pinaigting na kampanya kontra loose firearm at sa magandang pakikipag-usap ng kapulisan sa opisyales ng barangay tungkol sa mga hindi nakarehistrong baril sa kanilang nasasakupan at para na rin sa paghahanda sa nalalapit na Barangay at Sangguniang Kabataan Eleksyon.
Ang baril ay dinala sa Supply Section ng Maguindanao del Sur Police Provincial Office para sa tamang disposisyon.
Panulat ni Pat Mark Vincent Valencia
