Pangasinan – Naaresto ang Top 1 Most Wanted Person sa patuloy na isinasagawang Manhunt Charlie Operation ng PNP sa Brgy Ambalangan Dalin, San Fabian, Pangasinan, nito lamang Miyerkules, ika-2 ng Agosto 2023.
Kinilala ni Police Lieutenant Colonel Michael Datuin, Hepe ng San Fabian Municipal Police Station, ang suspek na si alyas “Dante”, 46, residente ng Brgy. Ambalangan Dalin, San Fabian, Pangasinan.
Ayon kay PLtCol Datuin, inaresto ang suspek sa bisa ng Warrant of Arrest na inihain ng mga tauhan ng San Fabian Municipal Police Station katuwang ang Police Intelligence Team Pangasinan, Regional Intelligence Unit 1, 104th MC-RMFB1 at Maritime Police Community Precinct San Fabian Base sa kasong Panggagahasa o paglabag ng Republic Act 8353 o “Anti-Rape Law” na walang inirekomendang piyansa.
Nagpaalala naman si PLtCol Datuin na maging mapagmasid sa kapaligiran at magsumbong sa kanilang himpilan kung may makitang kahina-hinalang pangyayari.
Source: San Fabian MPS
Panulat ni PSSg Lhenee Bulanday Valerio
