Ilocos Sur – Arestado ng pulisya ang Most Wanted Person sa Sta. Cruz, Ilocos Sur sa kasong Rape by Sexual Assault sa Brgy. Lantag, Sta. Cruz, Ilocos Sur nito lamang ika-1 ng Agosto 2023.
Kinilala ni Police Captain Paul Vinsent Tadeo, Hepe ng Sta. Cruz Municipal Police Station, ang suspek na si Christian Aguirre Jimeno, 25, residente ng Brgy. Lantag, Sta. Cruz, Ilocos Sur.
Ayon kay PCpt Tadeo, bandang 11:15 ng umaga nang maaresto ang suspek ng mga operatiba ng Sta Cruz Municipal Police Station, sa bisa ng Warrant of Arrest sa kasong Rape by Sexual Assault na walang rekomendadong piyansa.
Naging matagumpay ang operasyon ng PNP dahil sa patuloy na pakikipagtulungan ng mga mamamayan sa pagpapaigting ng kampanya laban sa mga taong may pananagutan sa batas para sa tahimik at ligtas na pamayanan.
Source: Sta Cruz MPS
Panunulat ni PSSg Carmela G Danguecan
