Cotabato City – Iprinisenta ang 154 assorted na loose firearms sa isinagawang Stakeholders’ Summit for Peace and Unity sa Mall of Alnor, Cotabato City noong Agosto 1, 2023.
Ang aktibidad ay matagumpay na naisagawa sa pangunguna nina PBGen Allan Nobleza, Regional Director ng PRO BAR; MILG BARMM Minister Naguib Sinarimbo; Maguindanao del Norte Governor Abdulraof Macacua; MGen Alex Rillera, 6th Infantry Division Commander; PCol Sultan Salman Sapal, Provincial Director, Maguindanao del Norte PPO; Provincial Election Supervisor Atty. Muamar Guyo; 12 na Chief of Police ng Maguindanao del Norte PPO, at 221 na Barangay Chairman sa lalawigan ng Maguindanao del Norte.
Nagmula ang mga baril sa iba’t ibang Municipal Police Stations ng Maguindanao del Norte PPO na isinuko ng mga gun owners, bilang pakikiisa sa kampanya kontra loose firearms para masigurong ligtas at mapayapa ang darating na Barangay at Sangguniang Kabataan Eleksyon.
Kaugnay nito ay nagpulong-pulong ang matataas na opisyal sa rehiyon sa pagsasaayos at magandang stratehiyang pagpaplano sa darating na BSKE at iba pang mga usapin tungkol sa kapayapaan at pagkakaisa.
Ang programang ito ay isang napakagandang hakbang para maipanumbalik ang kaayusan, kapayapaan at pagkakaisa para makamit ang isang maunlad na Rehiyong Bangsamoro.
Panulat ni Patrolman Mark Vincent Valencia
