Occidental Mindoro – Kalaboso ang isang High Value Individual sa ikinasang buy-bust operation ng mga operatiba ng San Jose MPS sa Brgy. Camburay, San Jose, Occidental Mindoro, noong Hulyo 31, 2023.
Kinilala ni Police Lieutenant Colonel Michael Donald Carnoso, Acting Chief of Police ng San Jose MPS, ang suspek na may alyas na “Ronald”, 46 at residente ng San Jose, Occidental Mindoro.
Ayon kay PLtCol Carnoso, naaresto ang suspek sa isinagawang operasyon ng mga tauhan ng Regional Drug Enforcement Unit (RDEU/RSCG) katuwang ang Municipal Drug Enforcement Unit ng San Jose MPS at Provincial Drug Enforcement Unit ng Occidental Mindoro Police Provincial Office.
Ayon pa kay PLtCol Carnoso, ang nasabing suspek ay sasampahan ng kasong paglabag sa Republic Act 9165 o Comprehensive Dangerous Drugs Act of 2002 matapos makabili ng hinihinalang ilegal na droga ang nagpanggap na poseur buyer kapalit ang Php1,000.
Narekober rin mula sa suspek ang pera na ginamit bilang buy-bust money, cellphone na maaaring ginamit sa pakikipagtransaksyon, at isa pang plastic sachet ng hinihinalang shabu na may timbang na humigit kumulang 0.5 grams at nakakahalaga ng Php4,000.
Ang Occidental Mindoro Police Provincial Office sa pamumuno ni Police Colonel Jun Dexter Danao, Provincial Director ay lalo pang pinaigting ang pagpuksa sa ilegal na droga sa lalawigan para sa kaayusan at kapayapaan tungo sa kaunlaran ng bansa.
Panulat ni Patrolman Erwin Calaus
