Taguig City — Arestado ang limang drug suspek matapos salakayin ng mga awtoridad ang isang drug den sa ikinasang buy-bust operation nito lamang Miyerkules, August 2, 2023.
Kinilala ni Police Brigadier General Roderick Mariano, District Director ng Southern Police District, ang mga suspek na sina alyas “Len-Len”, 34, Under Surety Bond, SLI-Pusher; Realym, 29, SLI-Pusher; Tracy, 21, Under Probation, SLI-Pusher; Joan Mae, 24, SLI-Pusher; at Mark Edison, 24, SLI-Pusher.
Ang pinagsamang anti-illegal drug operation na isinagawa ng SPD Drug Enforcement Unit, DID-SPD, DSOU-SPD, DMFB-SPD, Taguig City Police SDEU sa koordinasyon ng Philippine Drug Enforcement Agency – Southern District Office (PDEA-SDO) ay nagresulta sa pagkakaaresto sa limang drug suspect at paglansag sa isang drug den sa Cuasay St., Barangay North Signal Village, Taguig City bandang 1:45 ng madaling araw.
Nakuha mula sa kanila ang anim na self-sealing at tatlong heat-sealed transparent plastic sachet na naglalaman ng hinihinalang shabu na humigit kumulang 20 gramo ang bigat at may tinatayang Standard Drug Price na Php140,080, Php500 na ginamit bilang buy-bust money at isang itim na RedMe smart phone.
Reklamong paglabag sa section 5, 11, at Art II ng RA 9165 o Comprehensive Dangerous Drugs Act ang kahaharapin ng mga naarestong suspek na kasalukuyang nasa kustodiya ng pulisya.
Tiniyak ni PBGen Mariano na mananatiling nakatuon ang kapulisan sa pagsugpo sa talamak na bentahan ng ilegal na droga at pananagutin sa batas ang lahat ng nagkasala.
Source: SPD PIO
Panulat ni PSSg Remelin M Gargantos
