Albay – Nagsagawa ng Psychosocial Intervention Activity ang mga tauhan ng Regional Mobile Force Battalion 5 para sa mga bakwit sa Barangay Budiao, Daraga, Albay nito lamang Hulyo 29, 2023.
Sinimulan ang aktibidad sa pamamagitan ng pagbabahagi ng kaalaman patungkol sa Executive Order No. 70 o ang NTF-ELCAC bilang paglaban sa insurhensiya sa rehiyon.
Nagbahagi din ng kaalaman sa Basic Life Support (BLS) ang mga tauhan ng Technical Support Company (TSC) at ang 504th Maneuver Company para naman sa Proper Arresting Techniques.
Sinundan ito ng feeding program at pamamahagi ng food packs para sa mahigit animnapung (60) pamilyang apektado ng pag-aalburuto ng bulkang Mayon.
Nagsagawa rin ng libreng gupit, parlor games, pamamahagi ng mga damit at tsinelas ang mga kapulisan ng RMFB5.
Bukod dito naghatid din ng kasiyahan ang RMFB5 Band sa kanilang pagtugtog ng mga modernong kanta kasama na ang kanilang orihinal na komposisyon na “RMFB Singko” at “Ïisang Mundo” na naging entry nila sa Online Battle of the Bands kaugnay sa pagdiriwang ng 28th PCR Month.
Lubos naman ang saya at pasasalamat ng mga pamilyang naging benepisyaryo ng naturang programa ng ating kapulisan na naglalayong makapagbahagi ng tulong at saya upang kahit papano maibsan ang pangamba ng ating mga kababayan na apektado ng pag-alburoto ng bulkang mayon.
Source: Regional Mobile Force Battalion 5
