Cagayan – May kabuuang 1,060 pamilya ang naging benepisyaryo nang bumuhos ang tulong mula sa Adopt-A-Region Relief Operations at PNP Help and Food Bank na galing sa PNP National Headquarters sa Kampo Crame at Police Regional Office 3 na nakalaan sa mga lugar na apektado ng bagyo sa Cagayan na ibinamahagi noong Hulyo 29 hanggang 31, 2023.
Nagsagawa ng tatlong araw na relief operations ang mga miyembro ng Police Regional Office 2 sa lalawigan ng Cagayan partikular sa mga lugar na lubhang nasalanta ng Super Typhoon “Egay” tulad ng Abulug, Pamplona, Allacapan, at Calayan.
Lungkot man ang nadama ng mga nasalanta ng bagyo dahil sa kanilang kalagayan subalit taos puso pa rin ang pasasalamat nila sa tulong na natanggap mula sa Philippine National Police.
Samantala, Php600,960 na halaga ng relief items ay nagmula sa Police Regional Office 3 na pinangunahan ni Police Lieutenant Colonel Ismael C Gauna, Force Commander ng Bulacan 2nd Provincial Mobile Force Company sa isinagawang turn-over.
Gayundin, ang mga tauhan mula sa Directorate for Police Community Relations sa mga katauhan nina Police Major Eurem Jay Macasil at Police Executive Master Sergeant Sherwin Dascil ay personal naman na nakiisa sa pamamahagi ng mga relief items sa nasabing mga apektadong munisipalidad kasama ang PRO2 Reactionary Standby Support Force.
Ang buong hanay ng PRO2 sa pamumuno ni Police Brigadier General Percival A Rumbaoa, Regional Director ay lubos na nagpapasalamat sa kabutihang-loob ng mga stakeholders at Advocacy Support Groups na nag-donate ng mga relief items na naging dahilan upang maging posible ang Adopt-A-Region Relief Operations at PNP Help and Food Bank Programs.
Source: Police Regional Office 2
