Camp Crame — Masayang nakatanggap ng mga parangal ang mga tauhan ng Regional Police Community Affairs and Development Unit ng NCR (RPACADU-NCR) sa idinaos na 31st PCADG Founding Anniversary na ginanap sa Multi-Purpose Center, Camp BGen Rafael T Crame, Quezon City nito lamang Lunes, ika- 31 ng Hunyo 2023.
Ang naturang anibersaryo ay personal na dinaluhan ni Chief PNP, Police General Benjamin C Acorda Jr kasama si Police Brigadier General Lou F Evangelista, Director PCADG at ibang pang opisyales at tauhan ng nasabing yunit.
Ito ay may temang “Nagkakaisang Serbisyo ng Kapulisan, Pamahalaan, Pamayanan, Susi sa Mapayapa at Maunlad na Bansa”.
Nakamit ng RPCADU-NCR ang 3rd place sa Best RPCADU 2023 sa buong bansa sa pamumuno ni Police Colonel Nieves A Dela Peña, Chief RPCADU-NCR.
Kasabay din nito, nabigyan din ng parangal ang PNP Dance and Fitnes Team ng Plaque of Recogniton at medalya.
Tunay lamang na ang pagkakaroon ng mga natatanging parangal ay isang inspirasyon sa mga kapulisan na pagbutihin pa ang kanilang mga sinumpaang tungkulin upang makapaglingkod sa ating mga kababayang nangangailangan.
Panulat ni PSSg Remelin M Gargantos
