Misamis Oriental – Arestado ang isang miyembro ng Communist Terrorist Group (CTG) ng mga awtoridad sa Sitio Minlanag, Brgy. Lawaan, Gingoog City, Misamis Oriental nito lamang Hulyo 30, 2023.
Kinilala ni Police Lieutenant Colonel Cecelio Orcullo, Officer-In-Charge ng Gingoog City Police Station, ang naaresto na si alyas “Troy”, residente ng Carmen, Agusan del Norte at miyembro ng Regional Operations Command of the Northern Central Mindanao Committee (NCMRC).
Ayon kay PLtCol Orcullo, may concerned citizen na tumawag sa mga awtoridad na may gumagalang hindi kilalang lalaki sa nasabing barangay kaya agad rumesponde ang tropa ng militar at pulisya na naging dahilan kaya nadakip ang naturang CTG at nakuha mula sa backpack ni alyas “Troy” ang mga Anti-Personnel Mines (APM).
Hinihikayat ng ating mga awtoridad ang mga natitira pang miyembro ng CTGs na lisanin ang makakaliwang grupo upang mamuhay ng tahimik at makasama ang kanilang mga sariling pamilya.
Source: Gingoog City Police Station
Panulat ni PSSg Grace Neville Ortiz
