Calapan City, Oriental Mindoro (January 6, 2022) – Nanumpa na bilang bagong Regional Director ng Police Regional Office MIMAROPA si PBGen Sidney Hernia.
Pinalitan ni PBGen Hernia si PBGen Nelson Bondoc kasunod sa pagsasailalim dito sa Non-Duty status bunsod ng nakatakdang pagreretiro nito sa Enero 17.
Bago italaga bilang Regional Director si PBGen Hernia, na kabilang sa PMA Tanglaw Diwa Class 92, ay naging Director ng PNP Retirement Benefits and Pension Services at Executive Officer ng Directorate for Plans bago siya itinalagang Regional Director.
Sa kanyang talumpati, sinabi ni Hernia, na umaasa siya sa suporta ng lahat ng tauhan ng PRO MIMAROPA.
Uunahin aniya na matiyak na maayos ang kapakanan ng lahat ng pulis sa buong rehiyon kasabay ng babala sa mga tiwaling pulis.
Tiniyak din ni PBGen Hernia na pananatilihin nya ang katahimikan at kapayapaan sa rehiyon, tututukan ang usapin sa illegal drugs at ang pagpapatuloy ng pagpapababa sa krimen.
####
Panulat ni PCpl Mark M Manuba
