Quezon City – Ipinagdiwang ng mga tauhan ng Police Community Affairs and Development Group ang kanilang ika-31 taong anibersaryo sa pamamagitan ng isang programa na ginanap sa Multi-Purpose Center, Camp BGen Rafael T Crame, Quezon City nito lamang umaga ng Lunes, July 31, 2023.
“Nagkakaisang Serbisyo ng Kapulisan, Pamahalaan at Pamayanan Susi sa Mapayapa at Maunlad na Bayan”, ang tema ng naturang selebrasyon kung saan panauhing pandangal si Police General Benjamin C Acorda, Jr., Chief, Philippine National Police.
Tampok sa programa ang pagbibigay parangal sa mga napiling Best Senior and Junior PCO/PNCO for Administration and Operations; Best NUP of the Year; at Best RPCADUs.
Kabilang rin sa mga pinarangalan ang ilang mga personalidad ng PCADG na may katangi-tanging dedikasyon sa pagbibigay serbisyo, kasama ang mga Stakeholders, Advisory Council, at mga president ng Ka-Taguyod o Non-Government Organizations.
Sa nasabing programa, nagpasalamat si Police Brigadier General Lou F Evangelista, Director ng PCADG, sa lahat ng mga individual awardees na nagsumikap upang magampanan ang kanilang mga tungkulin, at sa lahat ng Private Sectors na kasangga at patuloy na tumutulong sa PCADG upang ipaabot ang isang serbisyong nagkakaisa para sa sambayanang Pilipino.
Sa pahayag ni PGen Acorda, Jr., kanyang binigyang halaga ang kahalagahan ng community engagement ng PNP sa komunidad na isa sa kanyang “Focus Agenda” gayundin, ang kahalagahan nito na syang ginagampanan ng PCADG at ng lahat ng yunit. Aniya, “The Police Community Affairs and Development Group under the sterling leadership of Police Brigadier General Lou Evangelista without a doubt holds a significant place in the heart of the Philippine National Police. This Group serves as a beacon for compassion and service to the very communities we have sworn and protect. They play an instrumental role in building bridges of understanding and trust between the police force, the government, and the community.”
Dahil sa pinaigting na “Community Engagement” ng PNP naging usapin ito sa isang pahayagan kung saan pinuri ni NAPOLCOM Vice-Chairperson Atty. Alberto A Bernardo ang PNP dahil sa kanilang matibay na pakikipag-ugnayan sa komunidad na syang pundasyon upang makamit ang isang ligtas, payapa, at maunlad na bansa.
