Binisita ng PROCOR Top Cop ang lalawigan ng Abra upang personal na pangunahan ang pamamahagi ng mga relief goods sa mga pamilyang naapektuhan ng bagyong “Egay” nito lamang Hulyo 29, 2023.
Pinangunahan ni Police Brigadier General David Period Jr., Regional Director ng Police Regional Offices Cordillera, ang pamamahagi ng mga relief goods kasama ang mga iba pang pangunahing opisyal ng PROCOR na sina Police Colonel Froiland Lopez, Provincial Director ng Abra PPO, Police Colonel Ronald Gayo, Deputy Regional Director for Operations, Police Colonel Byron Tegui-in, Chief, RCADD, Police Colonel James Mangili, Chief, Regional Operations Division at iba pa.
Humigit kumulang 275 food packs ang naipamahagi sa mga pamilya mula sa Brgy. Ang Calaba South, Bangued, at 178 food packs naman ang naipamahagi sa mga pamilyang mula sa Brgy. Pagala Siblong, Bucay.
Ang mga relief packs na naipamahagi ay mga donasyon mula sa mga stakeholders ng PROCOR.
Sa pahayag ni PBGen Peredo, ay taos-puso siyang nakikiramay sa mga biktima at nasalanta ng nagdaang bagyo nawa’y ang kanilang pagbisita ta pamamahagi ng relief goods ay magsisilbing inspirasyon sa mga biktima na patuloy na magtulungan at tumulong sa kapwa, sa gayun ay makabangon sa anumang sakuna at malampasan ang mga hamon ng buhay.
