Bataan – Nagsagawa ng Community Outreach Program ang Bataan PNP para sa mga residenteng naapektuhan ng Bagyong “Egay” sa Sitio Hardin, Brgy. Lucanin, Mariveles, Bataan nito lamang Sabado, ika-29 ng Hulyo 2023.
Ang naturang aktibidad na pinamunuan ni Police Colonel Palmer Tria, Provincial Director ng Bataan Police Provincial Office.
Dahil sa hagupit ng Bagyong “Egay” ay naghatid ng tulong ang Bataan PNP sa pamamagitan ng pamimigay ng ilang kilong bigas, canned goods, noodles at iba pa.
Lubos ang pasasalamat ng mga residente sa hatid na tulong at pagbibigay malasakit ng pulisya sa kanilang barangay.
Sinisiguro ng Bataan PNP ang kalagayan at kaligtasan ng kanilang nasasakupan kung mayroong kalamidad man o wala ay kanilang gagampanan ang kanilang sinumpaang tungkulin para sa mamamayan at bayan.
Source: Bataan Police Provincial Office
Panulat ni PCpl Jeselle V Rivera
