General Santos City – Nagsagawa ng Coastal Clean-up Drive at Mangrove Tree Planting ang mga tauhan ng Police Station 6 ng General Santos City at Philippine Coast Guard sa Zone 6, Mangrove Area, Barangay Bula, General Santos City nitong ika-29 ng Hulyo 2023.
Pinangunahan ni Police Captain Ari Noel Cardos, Acting Station Commander, ang aktibidad kasama ang Philippine Coast Guard, Lokal na Pamahalaan ng GenSan at mga Force Multipliers na boluntaryong nakiisa sa aktibidad.
Umabot sa 100 na sako ng mga tuyong dahon, plastik at sanga ang nakolekta sa isinagawang paglilinis.
Mahigit 150 naman na punla ang kanilang pinagtulung-tulungan na maitanim.
Natuwa naman ang mga residente na naninirahan sa lugar dahil sa paglilinis ng ginawa sa kanilang nasasakupan.
Ang mga ganitong aktibidad ay naglalayong panatilihin ang kalinisan sa ating kapaligiran at upang maiwasan ang polusyon na maaaring makasira dito.
Panulat ni Patrolman Charnie Mandia
