General Santos City – Mainit na sinalubong ng kapulisan ng Police Regional Office 12 ang Hepe ng Pambansang Pulisya na si Police General Benjamin Acorda Jr. sa kanyang command visit sa PRO 12 Regional Headquarters, Tambler, General Santos City nito lamang Biyernes, Hulyo 28, 2023.
Pinangunahan ni Regional Director ng PRO 12, PBGen Jimili Macaraeg, kasama ang Command Group at Staff, City/Provincial Directors, Chief of Police, mga tauhan ng Regional Headquarters at Regional Support Units ang pagsalubong kay PGen Acorda Jr.
Sa pagbisita ni PNP Chief Acorda Jr., kanyang pinangunahan ang iba’t ibang aktibidad gaya ng pagbibigay parangal sa mga stakeholders at awardees ng PRO 12 para sa kanilang natatanging kontribusyon at accomplishments sa organisasyon, Talk to Men of PRO 12, Press Conference, Blessing ng Sambisig Medical Center, Unveiling ng Mangudadatu Service with a Heart Center, Ribbon Cutting ng Service with a Heart Childrens Playground, Side trip sa PRO 12 Day Care Center, at Tree planting Activity.
Nagkaroon din ng presentasyon ng iba’t ibang uri ng baril at explosives device na isinuko ng mga dating rebelde sa rehiyon.
Nakipagdayalogo rin si PNP Chief sa mga sumukong rebelde mula sa Communist Terrorist Group (CTG), BIFF-Karialan/Bungos Faction, Di-Hassan Group, at Pangako Criminal Gang na kung saan, pinahayag nito ang kanyang taos pusong pasasalamat sa mga dating rebelde na nagbalik-loob sa gobyerno tungo sa pagkamit ng kapayapaan at kaunlaran ng bansa.
Sa naging mensahe ni PGen Acorda Jr., binigyang-diin nito ang kahalagahan ng isang nagkakaisa at magkatuwang sa pagbuo ng bansa, sa kanyang panawagan para sa “Serbisyong Nagkakaisa”.
Malugod ding pinuri ni Chief PNP Acorda ang hanay ng PRO 12 para sa kanilang hindi natitinag na dedikasyon at pagsusumikap sa pagtiyak ng kaligtasan at seguridad ng mamamayang Pilipino.
Ang command visit ni PBGen Acorda Jr. ay isang oportunidad ng PRO 12 para ipakita ang kanilang mga programa, proyekto, at mga accomplishments nito sa ilalim ng pamumuno ni PBGen Macaraeg.
Samantala, nagpahayag naman ng taos-pusong pasasalamat si PGen Acorda Jr. sa napakainit na pagtanggap sa kanya ng Police Regional Office 12.
Panulat ni Patrolman Khnerwin Jay A Medelin
