Baguio City – Namahagi ng Cash Relief Assistance ang DSWD at PROCOR para sa mga apektadong pamilya ng bagyong “Egay” sa Baguio Central School, Baguio City nito lamang Hulyo 28, 2023.
Ang aktibidad ay nilahukan ng Police Regional Office Cordillera sa pamumuno ni Police Brigadier General David Peredo Jr., Regional Director; Cong. Eric Yap ng probinsya ng Benguet, Cong. Mark Go ng Baguio City; Baguio City Vice Mayor Faustino Olowan at sa pangunguna ni House Speaker Ferdinand Martin Romualdez.
Matagumpay ang aktibidad kung saan nakapamahagi ng Php10,000 cash aid at food packs para sa mga napiling pamilya na labis na naapektuhan ng bagyo na mula sa Department of Social Welfare and Development at Baguio Cito Social Welfare Office.
Layunin ng aktibidad na matulungan ang mga pamilyang labis na naapektuhan ng bagyo kamakailan at mahikayat ang mga stakeholders na patuloy na tumulong sa mga kababayan natin.
Ang Pambansang Pulisya katuwang ang iba’t ibang ahensya ng pamahalaan ay patuloy sa pamamahagi ng tulong sa bawat rehiyon sa bansa na naapektuhan ng bagyo.
