Quirino – Nagsagawa ng Livelihood Training ang 2nd Quirino Provincial Mobile Force Company, Quirino Police Provincial Office (PPO) na ginanap sa Quirino State University, Barangay Dipintin, Maddela, Quirino noong ika-27 ng Hulyo 2023.
Ayon kay Police Lieutenant Colonel Michael Alberto, Force Commander ng Quirino PMFC, naging katuwang nila ang TESDA Quirino sa pagsasagawa ng pagsasanay.
Napili nilang benepisyaryo sa proyekto ang pitong dating rebelde upang matulungan sila sa kanilang pagbabagong buhay at magkaroon ng disenteng hanapbuhay.
Bukod dito, nakatanggap din sila ng mga food packs.
Samantala, siniguro naman ni Police Colonel Augosto Bayubay, Provincial Director ng Quirino PPO na patuloy ang kanilang hanay sa pagsasagawa ng mga ganitong aktibidad upang maipadama sa mga dating rebelde na nagbalik-loob na ang tunay na kakampi at katulong nila ang pamahalaan.
Source: Quirino PPO
