Leyte – Binisita ni Police Brigadier General Vincent S Calanoga, Regional Director ng Police Regional Office 8 ang napatay sa armadong engkwentro na miyembro ng Communist Terrorist Group kahapon, Hulyo 28, 2023, sa Brgy. Coroconog, San Roque, Northern Samar.
Si Luisito Enero alyas “Lutao”, kasama si Brando Obiado alyas “Idol”, ay kinilalang mga pinuno ng SRC Emporium at kabilang sa mga nasawi sa nasabing engkwentro sa pagitan ng mga tauhan ng 16 SRC, 4SRB, TGP 220 at 19 Infantry Battalion, PA habang nagsasagawa ng military operation noong Hulyo 22, 2023 sa Brgy. Cagbigajo, Pambujan, Northern Samar.
Sa isang panayam sa mga kapatid ni “Lutao”, ibinunyag niya na sumapi siya sa mga rebeldeng komunista noong taong 1996, na iniwan ang kanyang mga anak sa pangangalaga ng mga kamag-anak. Ang kanyang asawa naman na sinabing kasama niya sa armadong pakikibaka ay sumuko sa mga awtoridad noong 2018 at ngayon ay nakakulong sa Laoang, Northern Samar.
Nagpahayag naman ng pakikiramay si PBGen Calanoga sa pamilyang naulila nito, “Kasama ang pighati at panghihinayang sa isang buhay na nawala sa walang katuturang laban na ito. Ang pagtataas ng armas laban sa gobyerno bilang isang paraan upang matugunan ang mga daing ay hindi mabuti, at hinding-hindi ito masu-solusyonan”.
Nagpaabot din si PBGen Calanoga ng tulong pinansyal para sa mga gastusin sa pagpapalibing kay “Lutao” habang ang mga kinauukulang yunit ay inatasan din na makipag-ugnayan sa mga awtoridad upang mahanap ang iba pa niyang mga anak at humiling ng posibleng pagdalaw sa kanilang ina.
Hinikayat din ni PBGen Calanoga ang lahat ng natitirang miyembro ng Communist Terrorist Groups na sumuko sa mga awtoridad at mamuhay nang payapa sa ilalim ng gobyerno.
