Kasalukuyang nagsasagawa ng road clearing at search and rescue operation ang mga tauhan ng Cordillera PNP sa mga lugar na kanilang nasasakupan at sa ating mga kababayan na lubos na naapektuhan ng paghagupit ng bagyong Egay nito lamang Hulyo 26-28, 2023.
Ayon Kay Police Brigadier General David Peredo Jr., Regional Director ng PROCOR, maraming pinsala ang naidulot ng bagyong “Egay” sa rehiyon ng Cordillera – pagguho ng lupa, matinding pagbaha at pagkatumba ng mga punong-kahoy na nagresulta sa matinding pagkasira ng bahay, mga sasakyan, halaman at kalsada – at sa kasamaang palad, may casualties ng naitala.
Sa kabila ng malakas na buhos ng ulan at matinding ihip ng hangin ay hindi nagpatinag ang Cordillera Cops kung saan walang pag-alinlangang umaksyon at rumesponde upang tulungan ang ating mga kababayan na nangangailangan, ganundin ay upang tiyakin ang kaligtasan ng mga mamamayan sa kanilang nasasakupan.
Kaya naman patuloy na pinapaalalahanan ng ating kapulisan ang mga mamamayan na huwag ng lumabas ng bahay kung hindi naman importante ang pupuntahan para makaiwas sa sakunang pwedeng idulot ng bagyong “Egay”.
