Caloocan City — Arestado ang isang lalaki sa isinagawang Search Warrant ng mga tauhan ng Caloocan City Police Station nito lamang Huwebes, Hunyo 27, 2023.
Kinilala ni Police Colonel Ruben Lacuesta, Chief of Police ng Caloocan CPS, ang naarestong suspek na si alyas “Bonet”, 34, binata, walang trabaho at naninirahan sa Phase 1, Package 3, Excess Lot, Barangay 176, Bagong Silang, Caloocan City.
Ayon kay PCol Lacuesta, nadakip si alyas “Bonet” sa pamamagitan ng Search Warrant bandang 11:00 ng umaga sa kahabaan ng Phase 1, Package 3, Excess Lot, Barangay 176, Bagong Silang, Caloocan City.
Nakumpiska sa suspek ang isang (1) unit cal. 38 revolver; at anim (6) na piraso ng live ammunition ng cal. 38.
Mahaharap ang suspek sa kasong RA 10591 o Comprehensive Firearms and Ammunition Regulation Act.
Patuloy na pinapaalalahanan ng kapulisan ang bawat indibidwal na huwag gumamit o magdala ng mga ilegal na baril na walang kaukulang dokumento o e-surrender na lamang ito sa mga awtoridad upang hindi magamit sa masasamang gawain.
Source: NPD PIO
Panulat ni PSSg Remelin M Gargantos
