Taguig City – Nagsagawa ng Bloodletting Activity na binansagang “Red Tagged V.3 Bloodletting Event” ang mga tauhan ng Regional Mobile Force Battalion ng NCRPO na ginanap sa NCRTC, Camp Bagong Diwa, Bicutan, Taguig City nito lamang Huwebes, ika-27 ng Hunyo 2023.
Ang naturang aktibidad ay personal na pinamunuan ni Police Colonel Jonathan Calixto, Force Commander kasama ang Battalion Advisory Group for Police Transformation and Development (BAGPTD) sa pamumuno ni Dr. Morena “Mong” S. Canizares, Chairperson, Dugong Alay Dugtong Buhay, Lung Center of the Philippines; DZRH; Rotary Club of Makati Poblacion; at District 3830 Clubs sa pangunguna ni Atty. Vincent Rafael L Rosales, kasama ang 20 Co-host mula sa iba’t ibang Rotary Clubs ng Metro Manila.
May kabuuang 230 blood donors mula sa RMFB personnel at miyembro ng RMFB Advocacy Support Group mula sa Rotary Clubs ang sumali sa nasabing aktibidad.
Ito ay naglalayong tulungan ang ating mga kapwa Pilipino na nangangailangan ng dugo sa ilalim ng Republic Act No. 7719 o kilala bilang National Blood Services Act of 1994 na idinisenyo upang lumikha ng kamalayan ng publiko sa kahalagahan ng boluntaryo, non-remunerated blood donation (VNRBD) sa pagsagip sa buhay ng milyun-milyong Pilipino, gayundin, para madagdagan ang lumiliit na suplay ng dugo sa gitna ng pagtaas ng demand mula sa mga pasyenteng dumaranas ng iba’t ibang sakit.
Source: RMFB NCRPO
Panulat ni PSSg Remelin M Gargantos
