Pampanga – Tuloy-tuloy ang serbisyong nagkakaisa ng mga miyembro ng Police Regional Office 3 sa isinagawang Send-off Ceremony ng Relief Operation na kung saan ihahatid ang mga nalikom na tulong para sa mga kababayang nasalanta ng bagyong “Egay” sa Cagayan Valley Region na ginanap sa Camp Captain Julian Olivas, City of San Fernando, Pampanga nito lamang Biyernes, ika-28 ng Hulyo 2023.
Pinangunahan ito ni Police Brigadier General Jose Santiago Hidalgo Jr, Regional Director ng Police Regional Office 3, kasama ang PRO 3 Command Group at mga Provincial Directors ng iba’t ibang probinsya ng Central Luzon.
Isa sa mga labis na naapektuhan ng Bagyong “Egay” ay ang Cagayan Valley kaya agad nagkaroon ng relief operation at nag-abot ng tulong gaya ng mga sako-sakong bigas, mga damit, kahon-kahong noodles na may kabuuang Php600,000 halaga na idodonate.
Samantala, nagpadala din ang mga tauhan ng Regional Mobile Force Battalion 3 (RMFB3) at made-deploy upang maghatid ng tulong at ipaabot ang tulong mula sa mga stakeholders at PNP.
Patunay lamang na ang Police Regional Office 3 ay tuloy-tuloy ang paghahatid ng serbisyo sa mga lubos na nangangailangan.
Source: Police Regional Office 3
Panulat ni PCpl Jeselle V Rivera
