Maguindanao del Sur – Nagsagawa ng PNP Outreach Program ang mga kapulisan ng Maguindanao del Sur Police Provincial Office sa Madrasah Al Rahma Memorization Center Inc. sa Brgy. Poblacion, Talayan, Maguindanao del Sur noong Hulyo 25, 2023.
Pinangunahan ni PCol Roel Sermese, Provincial Director ng Maguindanao del Sur PPO, ang nasabing aktibidad katuwang ang Talayan Municipal Police Station, Salaam Police Advocacy Group at ibang Force Multipliers sa lugar.
Naging matagumpay ang nasabing aktibidad na kung saan ay nasa 130 ang naging benepisyaryo at napamahagian ng mga damit, bigas, noodles, at mga delata, nagkaroon din ng feeding program at paglilinis sa nasabing lugar.
Ang aktibidad ay kaugnay sa pagdiriwang ng ika-28 Police Community Relations Month na may temang “Serbisyong Nagkakaisa para sa Ligtas at Maunlad na Pamayanan.”
Itong inisyatibong ito ng PNP ay nagpapakita ng magandang ugnayan ng pulisya at komunidad para makamit ang mas maayos at maunlad na pamayanan.
Panulat ni Pat Mark Vincent Valencia
