Iloilo City – Tinatayang nasa Php884,000 halaga ng shabu ang nakumpiska sa dalawang High Value Individual sa isinagawang buy-bust operation ng Iloilo City PNP sa Brgy. Kauswagan, Iloilo City, nito lamang Miyerkules, Hulyo 26, 2023.
Ang operasyon ay ikinasa ng mga tauhan RPDEU 6 sa pangunguna ni Police Captain Glenn Soliman, at ICPS 1 SDET bandang alas-4:00 ng hapon.
Kinilala ni PCpt Soliman ang mga suspek na sina Juvy Gimeo Fajutar alyas “Buldog”, 43, residente ng Brgy. Sinikway Lapuz, Lapaz, Iloilo City at si June Rey Quevenco Bartolome alyas “Jr”, 36, residente ng Railway St. Brgy. San Nicolas, Lapaz, Iloilo City, parehong walang trabaho.
Ayon kay PCpt Soliman, ang mga suspek ay kaagad na inaresto matapos makipagpalitan ang mga ito ng dalawang pakete na naglalaman ng pinaghihilaang shabu sa nagpanggap na poseur-buyer kapalit sa halagang Php20,000.
Dagdag pa, sa isinagawang body search sa mga suspek ay narekober pa ang 12 na pakete ng suspected shabu na may kabuuang 130 gramo na may tinatayang halaga na Php884,000, mga drug paraphernalia at ilang mga non-drug items.
Nahaharap ang mga suspek sa kasong paglabag sa RA 9165 o Comprehensive Dangerous Drugs Act of 2002.
Ang tagumpay ng operasyon ay sa pakikipagtulungan ng mamamayan sa syudad na sumusuporta sa ating kapulisan sa kampanya kontra ilegal na droga upang tuluyang maging drug free ang Iloilo City at ang buong Western Visayas.
