Pangasinan – Arestado ng Agno PNP ang Top 1 Municipal Most Wanted Person sa kasong Statutory Rape sa Brgy. Poblacion East Agno, Pangasinan nito lamang ika-25 ng Hulyo 2023.
Kinilala ni Police Captain Esteban Fernandez lll, Officer-In-Charge ng Agno Municipal Police Station, ang suspek na si Saturnino Balan Nanat, 65, residente ng Sitio Mapalang Brgy. Bangan Oda, Agno, Pangasinan.
Ayon kay PCpt Fernandez lll, bandang 10:45 ng umaga ng maaresto ang suspek sa bisa ng Warrant of Arrest sa kasong Statutory Rape na walang rekomendadong piyansa.
Ang Agno PNP ay patuloy sa pagsasagawa ng operasyon laban sa mga taong may pananagutan sa batas para mapanatiling ligtas, tahimik at maayos ang komunidad.
Source: Agno, Municipal Police Station, Pangasinan
Panulat ni Patrolman Dennis P Carinal
