Naga City – Tinatayang Php1,020,000 halaga ng shabu ang nakumpiska sa isang lalaki sa inilunsad na buy-bust operation ng Naga City PNP sa Zone 6, Almeda Highway, Barangay Triangulo, Naga City nito lamang Hulyo 24, 2023.
Kinilala ni PCol Nelson Pacalso, City Director ng Naga City Police Office, ang naaresto na isang 39 anyos na lalaki, may asawa, construction worker at residente ng Barangay San Nicolas, Iriga City, Camarines Sur.
Ayon kay PCol Pacalso, bandang 6:30 ng gabi ng isinagawa ang operasyon ng pinagsanib na mga operatiba ng ODRDO-RPDEU5 Team CamSur/Naga City (lead unit) at SDEU PS5-NCPO sa pakikipag-ugnayan sa PDEA- Camarines Sur Provincial Office.
Nakumpiska mula sa suspek ang 150 gramo ng shabu at may street value na Php1,020,000 at ito ay mahaharap sa kasong paglabag sa R.A. 9165 o ang Comprehensive Dangerous Drugs Act of 2002.
Mas pinaigting ng Naga City PNP ang kampanya nito laban sa ilegal na droga upang tuluyang masugpo ang pagkalat nito sa ating lipunan at makamit ang isang maayos at ligtas na komunidad.
Source: Naga City Police Office
