Olongapo City – Tuloy-tuloy ang pag-arangkada sa paghahatid ng tulong ng Olongapo City PNP sa pamamagitan ng Feeding Program para sa mga bata ng Bantay Bayan Barangay Kalaklan, Olongapo City nito lamang Linggo, ika-23 ng Hulyo 2023.
Ang naturang aktibidad na pinamunuan ni Police Colonel Carlito Grijaldo, City Director ng Olongapo City Police Office, katuwang ang PNP Special Action Force, Trust and Believe In Me Foundation Inc at Lingkod Bayan Advocacy Support Groups and Force Multipliers.
Umabot sa 100 na bata ang naging benepisyaryo sa hatid na libreng lugaw mula sa Olongapo City PNP.
Ito ay kaugnay sa pagdiriwang ng ika-28th Police Community Relations Month na may temang “Serbisyong Nagkakaisa para sa Ligtas at Maunlad na Pamayanan.
Patuloy ang Olongapo City PNP sa paghahatid ng serbisyo sa kanilang nasasakupan upang mas mapagtibay ang ugnayan ng PNP at komunidad.
Source: Olongapo City Police Station
Panulat ni PCpl Jeselle V Rivera
