Maguindanao del Norte – Nakiisa ang PNP PRO BAR sa Simultaneous Nationwide Launching ng PNP Help and Foodbank sa pangunguna ni Police Brigadier General Allan Nobleza, Regional Director ng PRO BAR na ginanap sa PRO BAR Grandstand, Camp BGen Salipada K Pendatun Parang, Maguindanao del Norte nito lamang ika-22 ng Hulyo 2023.
Ang PNP Help and Foodbank ay matagal nang isinasabuhay ng PNP sa tulong ng mga programa ng PNP tulad ng “Kapwa Ko, Sagot Ko”, Community Feeding Program, at iba pang community support programs.
Layunin nitong patuloy na tugunan ang mga pangangailangan ng ating mga nasasakupan, partikular sa mga mahihirap na panahon na dala ng COVID-19 pandemic at natural na kalamidad.
Katuwang sa naturang aktibidad ang Community Stakeholder at mga kinatawan mula sa Unang Distrito ng Maguindanao del Norte na si Hon. Congresswoman Bai Dimple Mastura, Provincial Office at Municipal Mayor ng Maguindanao Del Norte, Alkalde ng Lungsod, Bangsamoro Frontliners Eagles Club, Rotary Club Cotabato East, AFPSLAI, at ang mga kapulisan ng Police Regional Office BAR.
Samantala, nagpahayag ng pasasalamat si PBGen Nobleza, sa lahat ng stakeholders na nag-ambag sa aktibidad na ito sa pamamagitan ng mga donasyon.
Panulat ni Patrolman Charlie Nasroden Corpuz
