Kalinga – Kusang loob na sumuko ang isang Squad Leader ng Communist Terrorist Group (CTG) sa tanggapan ng Pinukpuk Municipal Police Station sa Barangay Taga, Pinukpuk, Kalinga nito lamang ika-21 ng Hulyo 2023.
Kinilala ni Police Major Dominic Rosario, Acting Chief of Police ng Pinukpuk MPS, ang sumuko na 54 anyos, may asawa, laborer at squad leader ng Platoon Dos, Kilusang Larangang Guerilya-Baggas sa ilalim ng Lejo Cawilan Command.
Kasabay ng kanyang pagsuko ay ang pagturn-over sa mga awtoridad ng improvised M16 na walang marka at serial number kasama ang isang magazine na may sampung live ammunitions.
Ang boluntaryong pagsuko ay matagumpay sa pagsisikap ng mga pinagsanib na pwersa ng mga otoridad kasama ang kanyang mga kaanak, religious leaders at Local Government Unit.
Samantala, agad namang nag-abot ng groceries at isang sakong bigas ang LGU Pinukpuk.
Nanawagan naman ang Pinukpuk PNP sa mga natitira pang miyembro ng CTGs Na magbalik-loob sa gobyerno upang makasama ang kanilang sariling pamilya at mamuhay ng matiwasay malayo sa gulo na dulot ng maling ideolohiya.
