Davao City – Arestado ang High Value Individual at kasama nito sa isinagawang buy-bust operation ng PNP at PDEA sa Brgy. Angliongto, Davao City, noong Hulyo 21, 2023.
Kinilala ni Police Major Jake Goles, Station Commander ng Sasa Police Station, ang mga suspek na sina alyas “Francis”, 40, residente ng Baliok, Davao City at tinaguriang Top 4 High Value Individual sa City Level at kasama nitong si alyas “Melanie”, 35, residente ng Buhangin, Davao City.
Ayon kay PMaj Goles, naaresto ang mga suspek sa isinagawang buy-bust operation ng pinagsamang tauhan ng Sasa PS at Davao City Maritime Police Station katuwang ang PDEA XI.
Dagdag pa ni PMaj Goles, nakuha mula sa mga suspek ang ilang pakete ng hinihinalang shabu na may bigat na humigit kumulang na 1.43 gramo na may street market value na Php22,880 at ang marked money na ginamit sa operasyon.
Ang mga suspek ay mahaharap sa kasong paglabag sa Republic Act 9165 o Comprehensive Dangerous Drugs Act of 2002.
Ang Police Regional Office 11 ay patuloy sa pagsasagawa ng operasyon kontra sa ilegal na droga sa Rehiyon Onse sa pamumuno ni PBGen Alden Delvo PRO11 Regional Director.
Panulat ni Patrolman Alfred Vergara
