Davao City – Tinatayang aabot sa Php738,720 halaga ng hinihinalang shabu ang nakumpiska sa isang High Value Individual sa Maa, Davao City, noong Hulyo 19, 2023.
Kinilala ni PLtCol Ronald Lao, Station Commander ng Sta. Ana Police Station, ang suspek na si alyas “Dodong”, 51, residente ng Panabo City, Davao del Norte at tinaguriang Top 3 High Value Individual sa City Level.
Ayon kay PLtCol Lao, naaresto ang suspek sa isinagawang buy-bust operation ng pinagsamang tauhan ng Sta. Ana PS at City Drug Enforcement Unit -Davao City Police Office katuwang ang Regional Police Drug Enforment Unit XI.
Dagdag pa ni PLtCol Lao, nakuha mula sa suspek ang ilang pakete ng hinihinalang shabu na may bigat na humigit kumulang na 46.17 gramo na may street market value na Php738,720 at ang marked money na ginamit sa operasyon.
Kasong paglabag sa Republic Act 9165 o Comprehensive Dangerous Drugs Act of 2002 ang isinampa sa suspek.
Pinuri naman ni PBGen Alden Delvo, PRO11 Regional Director, ang nasabing operasyon dahil sa matagumpay na pagkakadakip sa suspek na lalong maglalapit sa kanilang layunin na gawing drug-free ang Rehiyon Onse.
Panulat ni Patrolman Alfred Vergara
