Quezon City – Naging matagumpay ang isinagawang Grand Police Community Relations Day sa Grandstand, PNP Transformation Oval, Camp Crame, Quezon City, ngayong umaga ng July 22, 2023.
Tampok sa naturang event ang Grand Launching ng PNP Help and Food Bank at Partnership Launching of Anti-Crime Coalition for Peace and Progress International maging ang BIDA Caravan.
Naging panauhing pandangal at tagapagsalita naman si Senator Imee R. Marcos.
Nakiisa rin si SILG, Benjamin C Abalos Jr, na buong pwersang sinuportahan ng hanay ng kapulisan sa pangunguna ng hepe nito na si Police General Benjamin C Acorda Jr sa pamamagitan ng Police Community Affairs and Development Group na pinangungunahan ni PBGen Lou F Evangelista, na siyang punong abala sa aktibidad, katuwang ang iba’t ibang Advocacy Support Groups, stakeholders, NGOs at merchants.
Bumida rin ang iba’t ibang frontline services ng PNP na tutugon sa pangangailangan ng ating mga kababayan.
Samantala, iba’t ibang merchants din ang nakilahok, ang PNP Frontline Services maging ang samu’t saring merchants ay talaga namang dinumog at pinilahan ng lahat ng nakiisa.
Sa pahayag ng panauhing pandangal, binigyang diin nito ang kahalagahan ng patuloy na pagpapatibay ng kapulisan sa ugnayan nito sa komunidad na susi sa isang mas progresibong bansa, pinuri din nito ang dedikasyon ng iba’t ibang Advocacy Support Groups, aniya, ang pagtutulungan ng gobyerno, komunidad at kapulisan ay isang malaking hakbang tungo sa pagkamit natin ng maunlad at bagong Pilipinas.
Walang ibang hangad ang naturang programa kung hindi pagtibayin at mas palalim ang magandang ugnayan sa pagitan ng komunidad at kapulisan, layunin nitong masiwata ang masamang pagkakakilanlan sa pulisya at mapalitan ng mga katagang ang mga pulis ay sadyang kaagapay, kaibigan, malalapitan at tiyak na maaasahan anumang oras, panahon at pagkakataon.
