Iloilo City – Tiklo ang isang tulak ng droga sa inilunsad na drug buy-bust operation ng Iloilo City Police Station 5 sa Brgy. Airport, Mandurriao, Iloilo City nito lamang madaling araw ng Martes, ika-18 ng Hulyo 2023.
Ang suspek ay kinilalang si alyas “James”, 35, walang asawa, residente ng Brgy. MH Del Pilar, Jaro, Iloilo City, at naitala sa listahan ng Iloilo City PNP bilang High Value Individual – Pusher.
Ayon kay Police Captain Val Cambel, Officer-In-Charge ng ICPS5, naaresto ang suspek sa aktong pagbebenta nito ng isang pakete ng suspected shabu sa nagpanggap na poseur-buyer sa halagang Php25,000.
Ayon pa kay PCpt Cambel, narekober sa sinasabing tulak ng droga ang 11 pakete ng pinaniwalaang shabu kabilang ang buy-bust item, buy-bust money, isang itim na Analog Nokia cellular phone, isang power bank cartoon box, at isang black sling bag.
Ang nakumpiskang droga ay tumitimbang ng higit-kumulang 65 gramo at may Standard Drug Price na Php442,000.
Nahaharap ngayon sa kasong paglabag ng Sec. 5 at 11 ng Art. II ng Republic Act 9165 ang suspek.
Patuloy na hinihikayat ng kapulisan ang mamamayan sa syudad na ipagbigay alam sa kinauukulan ang anumang ilegal na aktibidad na nangyayari sa kanilang lugar at huwag matakot na makipag-ugnayan upang ito’y agad na maaksyunan para sa tulong-tulong na pagsugpo ng ilegal na droga at sa anumang uri ng kriminalidad.
