Cagayan de Oro City – Naibalik sa kanyang mga magulang ang walong buwan na babaeng sanggol na nakitang gumagapang sa damuhan na parte sa Corrales/Ramon Chaves Street, Brgy. 29, Cagayan de Oro City bandang 1:25 ng madaling araw nito lamang Hulyo 17, 2023.
Ang bata ay naibalik sa kanyang mga magulang dahil sa pagsisikap ng Cagayan de Oro City Police Station 2 – Cogon sa ilalim ng liderato ni Police Major Julius Saluta, Officer-In-charge.
Ang naturang baby ay inalagaan ni Police Staff Sergeant Barcy Gaabucayan, Desk Officer mula madaling araw hanggang 6:30 ng umaga.
Pinainom ang baby ng gatas at pinakain ng cerelac dahil umiyak ito sa gutom.
Napag-alaman sa salaysay ng mga magulang na parehong 18 anyos na iniwan nila ang kanilang anak sa kanilang kakilala nang nalasing ito na siyang dahilan na hindi na naalagaan ang baby.
Labis naman ang pasasalamat ng mga magulang ng bata dahil sa pag-aalaga ng kanilang baby at nangako na hindi na ulit mangyayari na malagay sa kapahamakan ang kanilang anak.
Pinuri naman ng netizens ang ginawang kabutihan ng Cogon PNP lalo na ang kabutihan na ipinamalas ni PSSg Gaabucayan sa pagsisikap na alagaan ang bata habang ginagampanan ang maraming trabaho sa naturang istasyon. Patunay na anumang oras ay maaasahan ang ating pulisya at handang tumulong sa lahat upang mapanatiling maayos at maunlad ang ating komunidad.
Panulat ni PSSg Grace Neville Ortiz
