Bohol – Nagsagawa ng Community Outreach Program ang mga tauhan ng Panglao Municipal Police Station sa Brgy. Lourdes, Panglao, Bohol nito lamang Huwebes, Hulyo 13, 2023.
Ang aktibidad ay pinangunahan ng mga tauhan ng naturang istasyon sa pangangasiwa ni Police Major Jade Campo Sumugat, Officer-In-Charge, katuwang ang BHWs, Advocacy Support Groups at Barangay Official ng lugar.
Lubos ang tuwa at pasasalamat ng mga bata sa bagong tsinelas na inihandog ng grupo.
Ang naturang aktibidad ay alinsunod sa ipinagdiriwang na ika-28th Police Community Relations Month (PCR) na may temang: “Serbisyong Nagkakaisa para sa Ligtas at Maunlad na Pamayanan” na naglalayong ipakita ang “bayanihan spirit” ng pagtulong sa kapwa.
