Bohol – Nakiisa ang mga tauhan ng Talibon Police Station sa isinagawang Bloodletting Activity sa CPG Multi-Purpose Center, Brgy. Poblacion, Talibon, Bohol nito lamang Biyernes, Hulyo 14, 2023.
Ang aktibidad ay inisyantibo ng Department of Health 7 na pinangunahan ng Municipal Health Office, katuwang ang Talibon Police Station sa pangangasiwa ni Police Captain Amelito Melloria, Officer-In-Charge at Local Govenment Unit Talibon.
Kabilang sa mga masugid na nakilahok sa naturang aktibidad ang Philippine Army at Advocacy Support Groups ng lugar.
Pangunahing layunin nito na makatulong sa mga pasyenteng lubos na nangangailangan ng dugo at upang mapunan ang kakulangan ng suplay sa mga pagamutan.
Ito ay alinsunod sa ipinagdiriwang na ika-28th Police Community Relations Month (PCR) na may temang: “Serbisyong Nagkakaisa para sa Ligtas at Maunlad na Pamayanan” na naglalayong ipakita ang “bayanihan spirit” ng pagtulong sa kapwa.
