Negros Occidental – Nasabat sa isang High Value Individual drug personality ang nasa higit Php300,000 halaga ng ilegal na droga sa isinagawang drug buy-bust operation ng Toboso Municipal Police Station sa Sitio Sagahan, Brgy. Gen. Luna, Toboso, Negros Occidental, nitong ika-13 ng Hulyo 2023.
Kinilala ni Police Major Jun Ray Batadlan, Acting Chief of Police ng Toboso MPS, ang subject person na si Ricky Mahusay Tocaste (HVI), 33, walang asawa at residente sa nasabing bayan.
Narekober sa naarestong suspek ang 45 gramo ng pinaghihinalaang shabu na may tinatayang halaga na aabot sa Php306,000, isang 500-peso bill na ginamit bilang buy-bust money at ilang mga non-drug items.
Ang matagumpay na drug-bust operation ng PNP ay nagpapakita ng pinaigting at pinahusay na laban kontra ilegal na droga upang masugpo ang paglaganap nito.
