Quirino – Sa paglalayong wakasan na ang problema dulot ng ilegal na droga at ang pagbubukas muli ng panibagong pinto at pag-asa para sa mga drug surrenderee ay muling idinaos ang Buhay Ingatan Droga’y Ayawan o BIDA Summit na pinangunahan ng Cabarroguis PNP na ginanap sa Cabarroguis Gymnasium, Quirino nito lamang ika 11-12 ng Hulyo 2023.
Ayon kay PCpt Seony Rose Monforte, Deputy COP ng Cabarroguis Police Station ay naging posible ang nasabing aktibidad sa pakikipagtulungan ng DOLE, PSWD EMBRACE, Youth Awareness, Knowledge and Anti-Illegal Practices (YAKAP), Kabataan Kontra Droga at Terorismo o KKDAT, at sa suporta mula sa lokal na pamahalaan ng Quirino.
Ang nasabing BIDA Summit ay may 2 araw na aktibidad kung saan sentro nito ang mga kabataan at drug surrenderee na una nang nakatanggap ng tulong at dumaan sa rehabilitation program ng gobyerno.
Aktibo namang nilahukan ng aabot sa 120 na mga kabataan mula sa iba’t ibang paaralan kung saan nagkaroon din ng pagkakataon upang maging SPES beneficiary mula sa programa ng DOLE.
Bukod sa symposium ay nagkaroon din ng dance fitness activity at sinayaw ang BIDANCE mula sa ahensya ng DILG, palarong pinoy, slogan making contest na may premyong Php2,000 na lubos naman na nagpasaya sa mga lumahok.
Layunin ng aktibidad na magkakaroon ng moral recovery program at progress monitoring para sa 120 na mga drug surrenderer upang linangin ang kanilang kaisipan na tuluyang tuldukan na ang paggamit ng ilegal na droga, gayundin ang paghimok sa kabataan na maging parte sa pagsulong ng mga programa tulad ng BIDA.
Panulat ni PSSg Jeff John U Nabasa
