Pampanga – Nagsagawa ng Tree Planting Activity ang Police Regional Office 3 sa Brgy. San Pedro Cutud, City of San Fernando, Pampanga nito lamang Huwebes, ika-13 ng Hulyo 2023.
Pinangunahan ito ni Police Colonel Marites Salvadora, Chief ng Regional Community Affairs and Development Division katuwang ang mga tauhan ng NAPOLCOM Region 3 sa pangunguna ni Director Julieta Rañeses, Regional Director.
Kabilang din sa nakibahagi ang Barangay Officials, Barangay Peacekeeping Action Teams (BPATs) at ibang Regional Support Units (RSUs).
Umabot sa 200 na fruit bearing at non-fruit bearing trees ang naitanim sa Crucifixion Site ng barangay kung saan ito ay laging binabaha lalo na kapag panahon ng tag-ulan.
Labis rin ang pasasalamat ni Hon. Mat Ryan F Dela Cruz, Barangay Chairman dahil napili ang kanilang lugar na pagtaniman ng mga punong-kahoy.
Sinisiguro ng Central Luzon PNP na patuloy silang magsasagawa ng mga aktibidad upang mapanatili ang kagandahan ng kapaligiran at makatulong sa pangangalaga ng kalikasan.
Panulat ni Police Corporal Jeselle V Rivera/RPCADU3
