Cebu City – Nasabat ang Php680,000 halaga ng ilegal na droga sa buy-bust operation na isinagawa ng Station Drug Enforcement Unit, Police Station 11 ng Cebu City Police Office sa Sitio Bayabas, Brgy. Mambaling, Cebu City, noong Miyerkules, Hulyo 12, 2023.
Kinilala ni Police Colonel Ireneo Dalogdog, City Director ng Cebu City Police Office, ang suspek na si “Angel”, 46, residente ng nasabing barangay, at kabilang sa talaan ng High Value Individual sa Regional Level.
Dakong alas-8:40 ng gabi noong Miyerkules ng maikasa ang operasyon na humantong sa pagkakadakip ng suspek.
Nakuha mula sa suspek ang nasa 100 gramo ng pinaghihinalaang shabu na may Standard Drug Price na Php680,000, habang nabawi rin ang nagamit na buy-bust money.
Kasong paglabag sa Sec. 5 at 11, Art. II ng RA 9165 ang kakaharapin ng naaresto.
Patuloy naman ang pagpapaigting ng kampanya ng kapulisan sa Rehiyon 7 kontra ilegal na droga para sa hangarin na ito ay lutasin at makamit ang payapang lipunan.
